BTS-in dance challenge tih ve turin fans an ngen!

Social media khaw­velah 'challenge' hrang hrang a lar a, an intih hmuh chho zel bawk. Hetiang karah hian Korean boy band lar BTS pawh an lo lang a, fan te chu an hla thar 'Idol' dance chllenge ti ve turin an ngen!

K-pop superstar BTS hian August 24 khan an single thar hi an tichuak a, American-Trinidadian rapper Nicki Minaj an thawhpui. An hla thar hi a hit rem rem hle a, darkar 24 lek chhungin mi maktaduai 56 chuangin an en a, Taylor Swift record lo siam tawh an khum hial.

An hla hit zia an hria a, an fans BTS Army te lakah pawh beiseina sang tak an nei. Drake hla 'In My Feelings' hmanga dance challenge lar tak lo piang chhuak ta ang kha, an hla thar 'Idol' hmang hian tih ve an duh a, Army te chu che chhuak turin an ngen ta a ni. BTS fans ruhkawl te tan chuan chona thar hmachhawn tur a awm dawn tihna a ni a, challenge thar rawn lar chhuak a awm a nih pawhin a mak lo ang.