Angelina Jolie-i'n chhungkua a ngaipawimawh

Brad Pitt nen an inṭhen a, an inṭhen fel ve mai emaw tih laiin an chungchang chingfel turin court hian an thlen a ngai. Chuti chung chuan Angelina Jolie chuan chhungkua a ngaipawimawh hmasak ber thu a sawi a, Brad Pitt nena an inkar chinfel chu a dah pawimawh ber lo.

'Maleficent' star jolie chuan an fate pa­ruk - Maddox, Pax, Zahara, Shiloh, Vivienne leh Knox te hmakhua chu a ngaihpawimawh ber anih thu a sawi a, chhungkaw enkawl chu a mawhphurhna a ni tih a hai lo. Pitt nen an inkar thu chinfel kawngah pawh Samantha chu a ring chawt a, inhambuai chiam a tum lo. Hemi hma hian Laura Wasser chu hmatheh atan a lo hmang tawh bawk.

A thupuangtu Mindy Nyby pawhin, ''Angelina hian chhungkua a ngaipawi­mawh ber a, fate enkawlna kawngah ngaituahna a seng nasa hle a ni" a ti. Fa paruk lai enkawl tur a neih avangin khawdang a hawi thei meuh lo niin a sawi.

Angelina Jolie leh Brad Pitt te hi kum 2016 khan an inṭhen a, fate enkawl leh senso chungchangah an thu a inhmuh loh vangin an buai mek. Jolie chuan fate enkawl kawngah Pitt chu ngaihtuahna seng ve lo leh sum leh pai thawh ve loah a puh. Hemi vang hian court-ah a zualko a, an chungthu hi ngaihtuah mek a ni. Hetih lai hian a thu phungah chuan an inrem tawh niin khawthlang media te chuan an tarlang.