MDM-in circle of music meet vawi 7-na hmang ; Sanglianthanga hnenah Lifetime Achievement award hlan

Music Domain Mizoram (MDM) chuan nizan khan Aarons Bliss, Thuampui-ah Circle of Music Meet vawi 7-na an hmang. He hunah hian award hrang hrang sem a ni a, Sanglianthanga hnenah Lifetime Achievement award hlan a ni.

He meet-ah hian tunlai zaithiam lar ber ber te an fuankhawm a, hranghlui zai thiamte pawh an kal ṭha hle a ni. Sawmtea Chhangte chuan programme hi a kaihhruai a, zaithiam zai leh leh lam chi hrang hrang en tur a awm a ni.

Circle of Music Meet-ah hian MDM Award sem nghal a ni a, lengzem leh gospel bakah group te sem a ni. Gospel-ah Lalhmangaihzuali (Nunui) chuan Artist of the Year award a dawng a, lengzem huangah Sangkimi Khiangte chu Artist of the Year atan thlan a ni. Group/Duo of the Year award chu Seraphic Choir hnenah hlan niin, zaithiam Sanglianthanga hnenah Lifetime Achievement award hlan a ni bawk.

MDM hian an member te tan kum khatah meet hi ṭum hnih an buatsaih ṭhin a, kum dangah pawh neih ṭhin a lo ni tawh. Nikum khan TNT, Lunglei-ah hun nuam leh ropui tak an lo hmang tawh a, ṭanpui ngai mi engemaw zat tan an lungchhuak a ni.

Award dawngtute :

Artist of the Year (Gospel) - Lalhmangaihzuali (Nunui)

Artist of the Year (Lengzem) - Sangkimi Khiangte

Group/Duo of the Year - Seraphic Choir

Lifetime Achievement - Sanglianthanga