MPL Kick-Off-ah Rachel Lalnunkimi music video tlangzarh dawn

Mizo Idol star Rachel Lal­nun­kimi music video thar 'Mai a lum e' tih chu zanina MPL kick-off-ah tlagzarh a ni dawn.

Zanin dar 7:00 hian Chan­mari YMA Hall-ah MPL Season 7 hi kick-off a ni dawn a, Rachel-i hi a perform dawn. A music video thar hi release a ni nghal dawn a, a tan chuan zan chhinchhiah tlak tak a ni ngei ang.

'Mai a lum e'

Rachel-i hla thar tur hi a thupui chu' Mai a lum e' tih a ni a, Mizo thawnthua mai lum nen kha chuan a inpersan hle thung. Nula leh tlangval inngaihzawnna lam hla niin, Mystic Sailo phuah a ni.

Music hi Nunzemawia siamsak a ni a, recording hi EME leh Foster Re­cording-ah tih a ni. Video hi Roar Video Produc­tion (Atea) kut­chhuak a ni thung a, hmuh a nuam leh hlein a rinawm.

Rachel Lalnunkimi hian official-a music video pahnih a tichhuahna tur a ni dawn a, kum­ina a hmasa ber tur a ni bawk.