A pianchamah Michael Jackson an hrereng

August 29 kha Michael Jackson piancham pha a ni a, hemi pual hian milar eng emaw zatin an uithu an sawi thar leh.

'King of Pop' an tih hial Michael Jackson hi kum 1958 khan Gary, United States-ah a piang a, August 29 kha kum 60 a tlin champha chiah a ni. Zaithiam awm tawh zinga ropui ber ang hiala an sawi ṭhin Jackson hian a thih hnu thleng pawhin zah a la phu tih khawvelin a hria a, a piancham leh a thih cham a thenin zahna an lantir ṭhin.

A piancham pual hian Chance the Rapper, Pharrell William leh Smokey Robinson bakah milar eng emaw zatin zahna an lantir a, social media lamah an uithu an ziak kur ngei nguai bawk. A damlaia thla an lo lakpui tawh te leh, stage-a a perform lai thlalak hmuh tur a tam hle bawk.

Kum 2009, June 25 khan music khawvel chuan mi ropui Michael Jackson chu a chan ta a ni. A thih hnu thlengin a album hralh a la kal a, a sulhnu leh hlimthla ten hriatreng a hlawh tawh dawn a ni.