'Moon Knight' trailer a chhuak ta

Disney+ chuan Marvel series Oscar Isaac channa tur 'Moon Knight' trailer chu an chhawp chhuak ta a, en a chakawm nghal hle.

Trailer-ah chuan Marc Spector / Moon Knight lema chang Oscar Isaac chu a che buai nghal hle a, a nuna thil thleng chu a mumang nge a tak tih thliar hran a hartsat thu sawiin, trailer tawp lamah chuan Moon Knight ruangam pawh hmuh tur a awm a ni.

He Marvel series hi nikum April thlaah khan Budapest-ah anchang ṭan tawh a, Jordan lamahte chan chhunzawm zelin October thla khan an chang zo a ni. Kumin 30 hian MCU phase four peng pakhat ni turin episode paruk tihchhuah a ni ang.