Gunna 'DS4Ever'-in Billboard 200 chart a thunun

Tunlaia khawvel huap pawha zaithiam huhang ngah ber pawl Canadian Singer The Weeknd chuan studio album thar 'Dawn FM' tlangzarh mah se Billboard 200 chart lamah ngam loh a nei a, chu chu Gunna album 'DS4Ever' a ni.

Gunna leh 'DS4Ever'
Rapper Gunna hian January 7 khan a studio album pathumna 'DS4Ever' hi a tlangzarh a, US-ah chuan kar hmasa chhunga an album ngaihthlak tam ber niin chart ngaihhlut Billboard 200 chart-ah ro a rel.

He album-ah hian artist lar tak tak Future, Young Thug, 21 Savage, Drake, Kodak Black, Chlöe, Lil Baby, G Herbo, Nechie, Yung Bleu, Chris Brown, leh Roddy Ricch-te'n an pui a, kar hmasa chhung khan US-ah album-equivalent units 150,000 hmu chhuakin chuta ṭanga 4,000 chu album a hralhna aṭangin a ni. 144,600 chu stream aṭangin a ni a, kar hmasa chhung khan vawi maktaduai 193.5 an stream a ni.

'DS4Ever' hi Gunna album Billboard chart topper pahnihna a ni chiah a, kar hmasa chhung khan album ngaihven hlawh The Weeknd 'Dawn FM' aiin ngaihthlak a hlawh zawk a, album sales-ah erawh 'Dawn FM' hi a phak lo thung.

The Weeknd 'Dawn FM' hian kar hmasa khan EAU 148,000 a hmu chhuak thung a, chuta ṭanga 14,800 chu album a hralhna aṭanga a hmuh chhuah niin vawi mtd 173.04 US-ah he album hi an stream a ni.

Kar hmasa lama pakhatna 'Encanto Soundtrack' chu pathumna a ni thung a, Adele '30' chu palina niin Morgan Wallen 'Dangerous: The Double Album' chu pangana a ni bawk.

Hot 100 chart lamah chuan Adele bawk a la langsar
Single chart lamah chuan Adele 'Easy on Me' bawkin ro a rel leh a, he hla hi kar kua lai chu he chart-ah hian topper a ni tawh. Pahnihna pawh The Kid LAROI & Justin Bieber 'Stay' bawk niin Glass Animals 'Heat Waves' chu pathumna a ni thung.

Chart dangah chuan
Billboard Global 200 chart leh Global Excluding US chart lamah chuan GAYLE-i'n a hla 'abcdefu' hmangin ro a rel ve ve a, kar hmasa lamah pawh khan he hla bawk hian he chart pahnihah hian ro a rel tawh a ni.

Global 200 chart-ah hian The Weeknd 'Sacrifice' chu pahnihna a ni a, Adele 'Easy on Me' chu pathumna a ni thung.

Billboard 200 chart top 10:-
1 DS4Ever Gunna
2 Dawn FM The Weeknd
3 Encanto Soundtrack Encanto
4 30 Adele
5 Dangerous: The Double Album Morgan Wallen
6 The Highlights The Weeknd
7 Sour Olivia Rodrigo
8 Certified Lover Boy Drake
9 Planet Her Doja Cat
10 Red (Taylor's Version) Taylor Swift

The Hot 100 top 5:-
1 Easy On Me Adele
2 Stay The Kid LAROI & Justin Bieber
3 Heat Waves Glass Animals
4 We Don't Talk About Bruno Carolina Gaitan, Mauro Castillo,
Adassa, Rhenzy Feliz, Diane
5 Shivers Ed Sheeran