LBS Suzuki-in Access engine hmang Avenis an tlangzarh

LBS Suzuki chuan nimin khan Bawngkawn, Aizawla an showroom-ah Avenis 125 an tlangzarh.

Avenis hi Info Bikes chief test rider Vanlalmuana leh Malsawmdawngliana, Asia Cup Road Racing 2018 champion chuan tlangzarhin Mizorama two-wheeler hralh zawng zawng 50% chu LBS Suzuki aṭanga chhuak niin Muantea chuan a sawi a, Avenis chu an hlawhtlinpui leh ngei a ring.

Muantea chuan, "Mizoram scooter hralh kal em em Access leh Burgman engine ang a hman avangin a ṭha dawn a, changkang zawka thuam a nih bakah Avenis hi sports scooter ni mah se a sawh a na loa, khalh a nuam bawk," a ti.

India ram pum ang chuan Suzuki Avenis 125 hi nikum lamah khan tlangzarh tawh ni mah se an siam chhuah tam theih loh avangin Mizoram a thleng ve mai thei lo. Chutih rualin Mizorama Suzuki two-wheeler dealer kuta an pek rualin ngaihven a hlawh a, beiseina sang tak an nei tih LBS Suzuki chuan an sawi.

"Mizote tana pawimawh ve riau chu Avenis-ah hian a hmaah gas bur a phurh theih. LBS Suzuki hi dawr an nuam a, lirthei an hralh tawh enkawl zui kawngah an chet ṭha bawk avangin tuna mi pawh hi an hlawhtlinpui leh ka beisei hle a ni," a ti bawk.

Kg 106-a rit Avenis hi Mizorama tlangzarh a nih rual hian eng emaw zat an hralh chhuak nghal a, Mizoramah chuan Rs 1,08,223-in an hralh chhuak a ni.