TSAY Songsters Competition 2018 Aizawl Bazar Corps an thiam ber

Territorial Salvation Army Youth Council (TSAY) buatsaih Songs­ters Competition 2018 chu zawhfel a ni ta a, Ai­­zawl Bazar Corps, Dawrpui te chu pakhatna an ni.

TSAY Songsters Com­petition result hi Pa­thianni zan khan Aizawl Temple Corps-ah puan a ni a, lawmman sem nghal a ni. Corps 23 tel zingah Aizawl Bazar Corps SAY Songsters te an thiam ber a, trophy, citation leh pawisa fai Rs.1,00,000 an dawng. Pahnihna chu Aizawl Tlangnuam Corps SAY Songsters te an ni a, Chanmari West Corps SAY Songters te chu pathumna an ni. Pahnihna leh pathumna te hian Rs.50,000 leh Rs. 30,000 bakah, trophy leh citation an dawng a ni. Salem Corps Songsters leader Lal­ruatsanga chu 'Best Songsters Leader' atan thlan a ni.

Top 10 chin te chu cita­tion leh pawisa hlan an ni a, a tel zawng zawng hnenah lawmman leh certificate hlan vek a ni bawk.

Result puan leh lawm­­­man semna hun hi Territorial Youth Sec­retary (TYS) Captain K.Lal­rinpuia chuan a kaihruai a, Commissioner Lalzamlova, Territorial Commander (TC) hnen aṭangin Pathian thuchah ngaihthlak a ni.

TSAY Songsters Competition hi August 24 aṭang khan ṭan a ni a, Woodland Construction ten an sponsor a ni.

TSAY Songsters Competition Top 3
1. Aizawl Bazar Corps
2. Aizawl Tlangnuam Corps
3. Chanmari West Corps