Mizo Idol 2018 Top 11 aṭangin live music

Mizo Idol Season 6 chu tluang taka neih chhoh mek zel a ni a, intihsiak boruak pawh a nung lsawt hle. September 5 zan hian top 11 te chu an intihsiak leh tawh dawn a, live music nen a ni tawh dawn a ni.

Top 11 aṭang hian live band nen hun hman a ni ang a, rimawi lama sulhnu nei ṭha tak tak an inlar dawn.

Mizo band ṭha ber bera an musician te an ni nawk a, hming langsar ṭhiau kan hmu dawn tihna a ni. Contestant te tan pawh a phurawm sawt dawn a, inbuatsaihna pawh ngawrh takin an kalpui mek a ni.

Contestant-te hian Delta Music room-ah an hla sak tur an zir ṭheuh a, hma an sawn em tih chu hmuh theihin a awm thuai dawn a ni. An lakah Mizo mipuiin beiseina sang tak an nei a, tihhlawhtlin ngei pawh an duh ang.

Top 11-a lang­te hi chu Idol ni tlak ṭhiau an ni tawh a, chet­­sual a thiang tawh lo.

Selesih lamah aw...
Audition aṭanga top 25 thlengin Zonet Studio-ah intihsiak neih a ni a, top 11 aṭang chuan Selesih lam­ah show neih a ni ve tawh thung dawn. Intihsiakna hmun tur hi AH & Vety Conference Hall, Sele­sih a ni dawn a, stage changtlung zawk hmuh tur a awm dawn.

TV lam aṭanga lo thlirtute tan pawh a phurawm leh zual dawn a, contestant te tan pawh chona thar a ni dawn. A hmun a zau ṭha leh zual tawh dawn a, live music nen an theihna sang ber phochhuahna hun a inhawng dawn a ni.

Top 11 aṭang hian host thar hmel hmuh tur a awm dawn bawk.

Mizo Idol Season 6-a House Band tur te :
1. Nunmawia, Keyboard
2. Kimkima, Guitar
3. Erick Chenkual, Drums
4. Bruce Pachuau, Bass
5. Bobo Renthlei, Guitar