Heidi Klum-i'n a ke $mtd 2-in a 'insure'

Supermodel leh 'America's Got Talent' Judge ni bawk Heidi Klum chuan 'The Ellen DeGeneres Show'-ah a ke $maktaduai 2-a a 'insure' thu a sawi mauh mai!

Ellen-i talk show-ah hian Thawhṭanni khan Heidi Klum hi a inlan a, a ke $mtd 2 laia a 'insure' a sawi hnuah hian a ke pakhat zawk chu a to zawk tih a la sawi ta deuh deuh a, "A nihna takah chuan pakhat zawk hi a to zawk a, a chhan chu ka naupan laiin, darthlalangin ka intipalh a, ser lian tak a awm a ni. Spray tan ka hmang nasa a, in hmu thei lo mai mai a nih kha," tiin a sawi.

Heidi hian a ke pakhat man zat tak erawh chu a sawilang lo a, PEOPLE-in an kawmnaah erawh a taksa pengah chuan a ke chu a ngainat ber a nih thu a lo sawi tawh a ni.

Taylor Swift pawhin a ke a 'insure' niin sawi a lo ni tawh bawk a, $mtd 40 vel zetin a 'insure' niin kum 2015 khan khawthlang media-te chuan an lo tarlang tawh a ni.