'Ticket to Paradise' Covid vangin chawlhsan lailawk

George Clooney leh Julia Roberts-te'n Australia lama an chan mek 'Ticket to Paradise' chu Covid-19 vangin an chawl lailawk.

'Ticket to Paradise' hi nikum kum tawp lam aṭang khan Queensland hmun hrang hrangah an chang a, mahse Queensland lamah hri nasa taka a len thar leh avangin thla thum chhung atan lemchan hi an chawl lailawk dawn a ni. George Clooney leh Julia Roberts-te pawh hian United States lam an pan leh tawh niin an sawi bawk.

He film hi Ol Parker direct niin nupa inṭhen tawh pakhatin an fanu pasal neih tur dan an tum chungchang a ni a, romantic comedy lamhawi tur niin October thla tawp lama tlangzarh hman an tum a ni.