Weird Al Yankovic biopic-ah Daniel Radcliffe

21st January, 2022

Daniel Radcliffe chu American singer Weird Al Yankovic biopic-ah a chang dawn.

Harry Potter lema a chang vanga khawvelin a hmelhriat Daniel Radcliffe hi kum 32 lai a ni tawh a, a film channa tur hming chu 'WEIRD: The Al Yankovic Story' tih niin February thla hian Los Angeles-ah chan ṭan hman an tum.

Radcliffe-a'n a lem a chan tur Weird Al Yankovic hi kum 62 ni tawhin studio album 12 lai a tichhuak tawh a, Grammy award pawh panga lai dawng tawhin kum 2007 thleng khan album copy maktaduai 12 chuang a hralh tawh a ni.