Die Hard film kan hmu leh dawn

Kum 1988 khan Die Hard film hmasa ber tihchhuah a ni a, a hun lai chuan a lar vet vet hle. Tunah pawh mi tam tak en chak a la ni a, chu chu a hlawhtling dawn. Mystery/Thriller film Die Hard chu a parukna tur siam a ni leh dawn a, a title tur chu 'Die Hard: Year One' a ni.

He film producer tur Lorenzo di Bonaventura chuan American actor Bruce Willis chu a chang leh dawn tih Empire magazine a hrilh. Lorenzo chuan, "Die Hard: Year One-ah hian Bruce Willis hi detective lieutenant John McClane lemah a chang leh dawn a, kan phur tlang hle a ni. Detcetive Bruce Willis kan lo hmuh tawh ṭhin kha ṭha zawkin a lo kir dawn a ni," a ti.

"Willis hi kum 61 mi lai ni tawh mah se, a tel loa 'Die Hard' tih chhuah tum chu thil theih loh tluk a ni," tiin, American actor a fak. Bruce Willis hian role pawimawh tak a play leh dawn tih a chiang a,

Die Hard film chhuak thar tur hi American film director lar Len Wiseman kutchhuak a ni dawn a, thla thar aṭang chuan shooting ṭan hman beisei a ni. Hetih lai hian tlangzarh hun tur erawh hriat a la ni lo thung.