Jennifer Aniston a la inpeih lo

Milar a ni a, a hmelin a zir bawka chhai tur chu a haichham lo. Mahse kum 49 mi Jennifer Aniston chuan kawppui neih a la inpeih loh thu a sawi mauh mai.

Brad Pitt leh Justin Theroux chhaithlu thei hian a rilruah in 'date' lam a la ngaituah leh lo a, a hna chu a ngaihpawimawh ber a nih thu a sawi. American actress hi nikum khan a pasal Justin Theroux nen an inṭhen a, kawppui nei loin a awm mek. Hemi hma hian kum ruk chhung Brad Pitt nen an lo innei tawh bawk a, 2005 khan an inṭhen a ni.

'Horrible Bosses' star chuan, "Kawppui nei tur chuan rilru a inpeih a ngai a, tun dinhmunah chuan ka tlin rih lo a ni. Ka eizawnna ka ngaipawimawh ber a, hma hun thlir chungin ke ka pen dawn a ni," a ti. Jennifer Aniston hi nikuma tihchhuah 'The Yellow Birds'-ah khan a inlan a, film khawvelah inhman zui zel a la tum hmel hle.