Jail tan hmabak Lil Pump

Thubuai nei zing vek tak American rapper Lil Pump chu thla hmasa khan license nei loa lirthei a khalh man a ni a, jail tan a hmabak mek.

Lil Pump hi August 29 khan Miami-ah man niin, a lakah thubuai ziah luh a ni. Hei vang hian car man to Rolls-Royce steering vawn aiah thla hnih vel chu jail bang a zut a ngai dawn ta a ni. Hemi chungchangah hian social media lamah Thawhṭanni khan thuchhuah a siam a, fan te chu dawh thei taka lo nghak turin a ti.

Kum 18 mi lek Lil Pump hi a hming tak chu Gazzy Garcia a ni a, thubuai a lo ei fo tawh ṭhin a ni. Nikum August thla khan a chenna in Los Angeles-ah silai a hmehpuah avangin man a lo ni tawh bawk.