Demi Lovato-i'n a in hralh a rilruk

Demi Lovato chuan July thlaa ruihlo avanga a tal­buina in, Los Angeles a mi chu hralh a rilruk mek niin, khawthlang media te chuan an tarlang.

Kum 26 mi Demi hi drug overdose-a hmuh a ni a, a nunna a chan lo chauh a ni. Hospital-ah hun eng emaw chen a awm hnuah a chhuak a, rehab-ah a awm zui a ni. Sulhnu chhe tak a hnutchhihna hmun Hollywood Hills-a a in chuan a lung a len zui vak lo niin a lang a, tihral dan a ngaihtuah mek.

'Sober' hitmaker hian California-a a in pawh hralh a duh nia sawi a ni. He a in hi kum 2016-a a lei chauh kha niin, duh taka $mtd 8.3 a a lei chu kum hnih hnu velah $mtd 9.5 a tihralna a zawng a ni. A inah hian bedroom ringawt pawh a paruk a awm a, a zau zawng hi square feet 5,546 zet a ni.

American singer Demi Lovato hi rehab-ah a awm mek a, amah pawh a in recover chak viau niin an sawi.