Dua Lipa-i'n K-pop group BLACKPINK thawhpui dawn

English singer Dua Lipa leh South Korean girl group BLACKPINK te chu an thawkho dawn tih a chiang ta a, hla thar an tichhuak dawn.

Hemi chungchang hi Dua Lipa chuan tar­langin, "K-pop quartet BLACKPINK ka thawh­pui thei tur hi ka lawm tak zet a ni. Anni nen hian hla pathum kan ti chhuak dawn a a, 'Kiss and Make Up' hi a hmasa ber tur a ni," a ti. Dua Lipa hian a hmingchawia album a tichhuah 'Dua Lipa' chu October 19 khian a super deluxe edition a tichhuak dawn a, hla thar a awm nual dawn. Chung zinga hla pathumah chuan Korean girl group hi a thawhpui dawn a ni.

YG Entertainment pawhin hemi chungchang hi an nemnghet tawh a, 'One Kiss' singer Dua Lipa an thawhpui thei chu lawmawm an tih thu an sawi. BLACKPINK leh Lipa te thawhhona tur hi a vawi khatna a ni tawh lo. Seoul-a Dua Lipa concert changin vawi eng emaw zat an lo pui tawh a ni.