Dolly Parton an chawimawi dawn

Grammy ṭum riat zet lo dawng tawh Dolly Parton chu nakkumah MusiCares chuan an chawimawi dawn a, Person of the Year award an hlan dawn.

Dolly Parton hian ama pualin Dollywood Foun­dation a din a, a hna thawh ṭhat avang hian chawimawiin a awm dawn ta a ni. Country-music artist zinga he chawi­mawina dawng hmasa ber tur a ni dawn bawk.

American singer Dolly hnenah hian February thla khian Los Angeles Con­vention Center-ah award hi hlan a ni dawn a, Grammy Award sem dawn kar, Gram­my Week an tihah a pual hian hun hman a ni ang. MusiCares chuan, "Dolly Parton hian music huangah a thawh hlawk em em a, midang ṭanpuina kawngah ke a pen nasa hle bawk. Musi­Cares Person of the Year award hi a phu a, ropui takin chawimawiin a awm dawn a ni," tiin, thuchhuah an siam.

British-American rock band, Fleetwood Mac chuan he chawimawina hi nikum khan an dawng a ni.