Amazon hlutna a pung tual tual!

American electronics com­pany Amazon hlutna chu a pung zel a, $1 trillion lai a tling tawh. Amazon hian Apple company hnung zuiin $1 trillion huang hi an kai a, khawvela company hlu ber pahnih an ni.

American multinational technology company Apple hian August thla tir khan $1 trillion hi an kai a, Amazon an inlan ve leh chiah a ni. Amazon chuan Thawhlehni khan an company hlutna punna hi an tarlang a, khawvela company ṭha chak ber te zinga mi a ni. Kum 1994-a din Amazon hi kum 20 vel kal ta kha chuan a hlutna hi $1.50 vel chauh a ni a, tunah chuan $1 trillion zet a tling ta a ni.

Apple leh Amazon hlutna hi a turu rem rem hle a, entertainment huanga company lian pasarih - Comcast, Sony, 21st Century Fox, Walt Disney, Viacom, CBS leh plus AT&T te hlutna belh khawm aiin a sang zawk a ni. Heng company te belhkhawm hi $mtd 751 vel anga chhut niin, an inthlauhna hi a turu hle.

Amazon hian prime subscri­ber ringawt pawh maktaduai 100 an nei tling tawh a, company CEO Jeff Bezos chu Forbes Magazine chuan khawvel mi hausa berah a lo puang tawh bawk a ni.