Nick Jonas leh Priyanka Chopra - Nu leh pa an ni ve ta

Nick Jonas leh Priyanka Chopra-te chuan an fa hmasa ber chu 'surrogate'-in an nei ve ta tih an puangzar.

Zirtawpni khan Instagram lamah hemi chungchang hi Nick Jonas-te nupa hian an tarlang a, "Kan fa hmasa ber chu 'surrogate' kaltlangin kan nei ve ta tih lawm takin kan tarlang e. He hunah hian inthlahrung tak chungin chhungkaw lama kan rilru kan sen a ngaih avangin 'privacy' min pek kan duh bawk a ni. Kan lawm takzet," tiin an thuchhuah an siam.

Jonas Brothers star Nick Jonas leh Bollywood superstar Priyanka Chopra-te hi December 1, 2018 khan an innei a ni. Hetihlai hian Nick Jonas û-te pahnih chuan fa an nei ve ve tawh bawk a, Kevin chuan a nupui Danielle nen fanu pahnih an neih tawh laiin Joe Jonas leh a nupui Sophie Turner-te pawhin fanu kum khat mi an nei ve tawh bawk a ni.