2022 Brit Awards-a inlan turte chu...

February 8-a London O2 Arena-a sem tur 2022 Brit Awards-a inlan tur artist hlawm hmasa berte chu Zirtawpni khan puanzar a ni ta.

Kumin Brit Awards-a inlan tur tihchian tawhte chu Ed Sheeran, Doja Cat, Dave, Holly Humberstone, Liam Gallagher leh Little Simz-te an ni a, anni bakah hian inlan tur dangte chu hun dangah an la puangzar leh ang.

Ram hrang hrangah Covid-19 hri a darh thar leh avangin kumin Brit Awards semna ceremony pawh hi an fimkhur dawn hle a, social distancing uluk taka an kalpui dawn bakah a hmuna kalte chuan hmai an tuam vek a ngai dawn a ni.

Doja Cat hi Brit Awards-a a inlan hmasakna ber tur a ni dawn a, Simz chu nomination hmu tam ber niin pali a hmu. Adele, Olivia Rodrigo, ABBA, Måneskin, Coldplay, Billie Eilish, Central Cee leh Little Mix.-te chu award dawng thei zingah an tel a, British comedian Mo Gilligan chu host a ni dawn thung.