Hollywood star Burt Reynolds a fam ta

Hollywood chuan mihrang a chan leh ta- a hming chu Burt Reynolds a ni. Kum 82 mi American actor hi Ningani khan heart attack avangin Florida hospital-ah a thi a ni.

Burt Reynolds hi Hollywood khaw­vela hriat hlawh tak niin, kum 1970 chho aṭang khan lemchan lam hi a luhchilh a ni. Film a chang hnem tawh hle a, chung zingah chuan - Smokey and the Bandit, Deliverance leh Boogie Nights te chu a lar hle. Nikum March thla-a tihchhuah 'The Last Movie Star'-ah pawh khan a la chang a, tunah erawh chuan lemchan khawvelah hmuh tur a awm zui dawn ta lo a ni.

Burt Reynolds hian kum 2010 khan zai a lo tawk tawh a, harsatna lutuk nei zui loin film-ah pawh a inlan leh a ni. A thih thleng hian film khawvelah a hming lamrik a la ni a, a thih thu pawh hian Hollywood chhungkua a dengna hle a ni.