Avril Lavigne Inlar leh dawn

Kum 2015-a hla pahnih a tihchhuah bak hmuh tur a awm zui lawk lo a, tunah erawh hla thar nen a lo kir leh dawn ta. Canadian singer Avril Lavigne hian September 19 hian a single thar 'Head Above Water' chu a tichhuak dawn a ni.

Kum 33 mi Avril hi Lyme Disease avangin hunrei tak chhung chu music khawvelah a hmel hmuh tur a awm lo a, fan te tan pawh a hrilhhai thlak hle ang. Chutih rual chuan fan te hawihil tir reng a tum hauh lo a, hla thar nen a rawn comeback tur thu a puang ta a ni.

'Complicated' singer Lavigne chuan, "Tui hnuaia awm ang mai niin ka inhria a, boruaka hawi thawven ve ka duh a ni. Music hi min tichaktu a ni a, ka lama ṭang tlat te avangin ka lo kir leh thei a ni," a ti.

Canadian singer hian ama puala hla a tichhuah hnuhnun ber chu kum 2015 kha a ni tawh a, 'Fly' tih leh, American musician Nick Carter nen 'Get Over Me' te an tihchhuak a ni.