Cranberries singer O'Riordan thih chhan - tuia tla hlum!

January 15-a thi Irish rock band lar The Cran­berries singer Dolores O'Riordan thih chhan chu puan a ni ta a, tuia tla hlum a lo ni!

O'Riordan hi London-a Park Lane Hil­ton hotel-ah thia hmuh a ni a, a tirah chuan mahni intihlum nia tarlan a ni. Mahse chhui chian a nih hnuah zu a ruih avanga inbualnaa tla hlum a nih thu puan a ni ta a ni.

Westminster Coroner Court chuan Dolores O'Riordan thih chhan hi a puang a ni.

O'Riordan hi a thlenna hotel-ah hian thia hmuh niin, a ruang hi tuiah a lo inchiah a ni. Chhuichiangtute chuan a taksaah hliam hnuhma a awm loh thu an sawi a, zu a in nasat avangin a taksain a tlin ta lo niin an sawi.

Mita hmutu pakhat chuan, "O'Riordan hi tuiah a lo inchiah a, a hmui leh hnar pawh tui hian a chim vek a ni," a ti ve bawk.

Dolores O'Riordan thih thu hian music khawvel a barakhaih hle a, uitu pawh a ngah hle. January 23 khan Cranberries singer Dolores O'Riordan hi a chenna Republic of Ire­land-a Limerick khaw­puiah vuliam a ni.