Ṭhazual Gospel Chart chung berah Melody Lalzirliani 'Eng nge sual tifai thei ang'

Ṭhazual Gospel chart-ah roreltu thar an awm a, chu chu Melody Lalzirliani'n 'Enge sual tifai thei ang' a sak kha a ni a, Stacy VL Muanpuii leh R Lalbiaksanga te chu pahnihna leh pathumna an ni ve bawk.

'Enge sual tifai thei ang'
He hla hi chu kan hre ṭheuhin a rinawm. Biak in lamah pawh Kohhran hrang hrangin kan sak fo tawh ṭhin kha a ni.

Youth Icon star Melody Lalzirliani hian nikum November thla chawhnu lamah khan music video hmuhnawm tak siamin a rawn tichhuak a, a sa thiam bawk a, chart lamah pawh a inlan har lo. Chart hmasa lamah khan pathumna a ni tawh a, tunah phei chuan chart chung berah a rawn ding der tawh.

Melody hian a sa mawi bawk a, chart topper nih hi a phu a, chart lehah a dinhmun ngai a la luah thei dawn em tih chu hriat a chakawm tawh viau mai.

Pahnihna leh pathumna chu
Music for Christ-in thiam taka an sak tawh ṭhin 'A sawm che' tih Stacy VL Muanpuii'n a rawn thar thawh leh chu pahnihna a ni. He hla hi Stacy album 'Lal Chawimawina- The Prelude'-ah khan awmin Stacy hian a sa mawi a, chart topper ni tur pawhin a dinhmun a ṭha hle.

Pathumna chu zaithiam chuai thei lo R. Lalbiaksanga a ni a, a hla 'I remruatna' chu top 3-ah a rawn inhlankaipui a ni.

Chart-a lang dangte chu
Seraphic Choir 'Awma chu' chu palina a ni a, pangana chu Stacy VL Muanpuii tho niin 'Ka Van in kawng' hmangin top 5 a khar.

Chart top 10-ah hian Felfeli Ralte, One in Christ, Ramfanmawii Rokhum, Hmingtea Chhangte leh Lalthansangi te pawh an lang a ni.

Ṭhazual Gospel top 10:-
1 Melody Lalzirliani Enge sual tifai thei ang
2 Stacy VL Muanpuii A sawm che
3 R. Lalbiaksanga I remruatna
4 Seraphic Choir Awma chu
5 Stacy VL Muanpuii Ka Van in kawng
6 Felfeli Ralte Riangvai mai ka ni
7 One in Christ Isua hnenah chauh
8 Ramfanmawii Rokhum Nunna thing zar hnuaiah
9 Hmingtea Chhangte Duhaisam zalenna
10 Lalthansangi Pathian angchhung thiamhlimah