Bella Hadid-i'n zu a nghei

Victoria's Secret Model Bella Hadid chuan tunhnaiah khan a interview-naah zu a nghei thu a sawi.

InStyle-in an kawmnaah hemi chungchang hi sawi chhuakin Gigi Hadid laizawn chuan zu a in chuan a changin a inthunun thei lo ṭhin tih leh a hriselna pawhin a tuar nia a hriat thu a sawi. Hadid chuan thla ruk vel liam taah khan zu nghei tur hian thutlukna a siam tawh tih a sawi a, a doctor leh medical advisor-in zuin a thluaka nghawng a neih dan a hmuhtir hnuah chuan, "Zu no dawm kân leh chu harsa tak a ni," a ti.

Kum 25 mi supermodel hi nikum khan Instagram lamah depression leh anxiety nasa tak a neih thu a lo sawi tawh nghe nghe a, InStyle-in an kawmnaah chuan a zu in chuan chung chu a chhawk zangkhai lo tih a sawi a ni.

Bella Hadid hi kum 2016 khan Daily Front Row's Fashion Los Angeles Awards-ah 'Model of the Year'-ah puan a ni a, GQ Men of the Year Awards, London-a semah pawh kum 2016 vek khan 'Model of the Year'-ah puan a ni bawk.