The Weeknd-a'n Spotify record a 'break'

The Weeknd chuan Inrinni khan Justin Bieber-a record lo siam tawh, Spotify-a thla khata a hla ngaithlatu tam ber record chu a 'break'.

Canadian singer pahnih hi tunlaia khawvel huapa artist huhang ngah ber pawl an ni ve ve a, Justin Bieber hian thla khata a hla ngaithlatu tam ber record lo siam tawhin a hlate chu vawi maktaduai 84 lai thla khat chhungin ngaihthlak a lo ni tawh. He record hi The Weeknd hian Inrinni khan rawn khum ve lehin thla khat chhungin a hlate chu vawi mtd. 85.66 lai an ngaithla a ni.

'Blinding Lights' hitmaker hian a studio album pangana 'Dawn FM' a tlangzarh aṭanga kar khat lekah he record hi a siam a ni. Hetihlai hian 'Dawn FM' album hi trilogy-in a siam dawn tih tunhnaiah khan a lo sawi tawh a, mahse chubak chu thildang vak a la sawi chiang lo thung.