Science & Environment ; 'Pristine' coral reef lian tak hmu chhuak

Marine explorer chuan 'pristine' coral reef lian tak, km 3 lai awh chu Tahiti, French Polynesia-a tuihnuai ft 100 laia thukah an hmu chhuak.

United Nations Educational, Scientific and Cultural Organization (UNESCO) chu he coral reef hmuh chhuahna tura hna kaihruaitu niin UNESCO mi Dr Julian Barbiere chuan hetianga thuka coral reed an hmuh chhuah tawhah chuan lian ber pawh a ni tih a sawi a, "Hetiang ecosystem kan la hriat ngai loh hi a dang pawh a la tam mai thei," a ti.

Dr Julian Barbiere chuan hetiang coral reef awmna ang chi hi map-a siama venhim a ṭul hle tih sawiin tuihnuaia nungcha khawsa 25% lai chu coral reef-ah hmuh tur an awm thu a sawi bawk.

He an thil hmuh chhuah thar chungchang hi BBC chuan Zirtawpni khan a tarlang a, nikum November thlaa an hmuh chhuah daih tawh kha niin global seabed-mapping mission 'Seabed2030 Project' peng pakhat atana tuipui 'twilight zone'-a diving expedition an neihnaah an hmu chhuak a ni.