Zaninah Grace Lalchhanhimi music video thar

Mizo Idol 2014 Grace Lalchhanhimi chuan kumin a music video hmasa ber 'Rinna mitin ka thlir ṭhin' tih chu a peihfel ta a, zaninah Zonet Zawlbuk-ah tihchhuah a ni ang.

Grace-i hi a reh deuh vang vang a, chutih karah chuan a awm mai mai lo. Tunah hian project lian tham tak a buaipui mek a, chumi karah chuan music video pawh a rawn tichhuak leh ta a ni.

'Rinna mitin ka thlir ṭhin' tih hla hi Rev. Zoramsanga lehlin niin, a sa mawi leh pek hle. Music leh recording hi Blue Wave Record kutchhuak vek a ni a, video hi Siama (SVP) kutchhuak a ni thung. Siama Video Production kuthnu mam zia kan lo hmu tawh ṭhin a, tun ṭuma mi pawh hi a ṭha lehpek hle. Grace-i project buaipui mek pawh hi a kutchuak a ni leh dawn a, kumin chhunga tihchhuah hman beisei a ni.

Zonet chuan kum 2007 aṭang khan Mizo Idol thlanna a buatsaih

ṭan a, Kolasib nula Grace Lalchhanhimi hi Mizo Idol hmeichhe hmasa ber a ni. Tunah hian Season 6-na kalpui mek a ni a, Grace-i hnung zui thei tur an awm dawn em tih chu a hriat thuai dawn.