Miss America 2019 - Nia Franklin

Miss America 2019 thlanna chu Pathinni khan neih a ni a, New York aiawha inlan Nia Imani Franklin chuan crown a khum haw. Hetih lai hian Miss Connecticut, Bridget Oei chu first runner-up a ni.

Miss America vawi 92 thlanna hi Atlantic City, New Jersey-ah neih a ni a, Franklin chhing zo an awm lo. Miss America 2018 Cara Mund chuan Franklin hi crown a khum tir a ni. Kum 25 mi Franklin hi North Carolina khaw chhuak a ni a, kum 2017 khan New York-ah hian a pem a ni.

Miss title pawh a lo la nual tawh a, chung zingah chuan - Miss Five Boroughs 2018 leh Miss New York 2018 te pawh a tel a, American Beauty Pageant atan thlan a lo ni tawh bawk.

Miss America 2019-ah hian 1st runner-up chu Connecticut nula Bridget Oei a ni a, 2nd runner-up chu Louisiana - Holli' Conway a ni. Florida nula Taylor Tyson chu 3rd runner-up a ni.

Show hi Dancing With the Stars judge Carrie Ann Inaba chuan a host a ni.