The Other Typist-ah Keira Knightley

'Pirates Of The Carib­bean' actress Keira Knightley chu Suzanne Rindell lehkhabu ziah lar tak 'The Other Typist' TV adaptation-ah a chang dawn.

British actress hi executive producer a ni nghal dawn bawk a, a hmunawm hle turah ngai ang. Zu khap hunlaia New York City-a thil thleng anga chan a ni dawn. Knightley bakah hian Rindell leh 3 Arts’ Oly Obst-te chu executive producer an ni dawn bawk niin Hollywood Deadline chuan a tarlang.

Ilene Chaiken chu pilor script buaipui tur a ni a, showrunner a ni dawn bawk. American video on demand service Hulu chuan The Other Typist hi a pe chhuak dawn a ni. 

'The Other Typist' hi Suzanne Rindell lehkhabu tlangzarh hmasa ber a ni a, kum 2013-a a tlangzarh kha niin a hralh ṭha hle a, lehkhabu review-tute pawhin an fak hle a ni.

Keira Knightley kum 35 a ni ve tawh a, a film channa hmasa ber Innocent Lies-ah khan kum 10 mi chauh niin a inlan a, movie mai piah lamah TV show-ah pawh a inlan hnem tawh hle. Kum 2013 khan James Righton nen inneiin fa pahnih an nei tawh.