Bob Dylan-a'n a master recording Sony Music hnenah hralh

Music legend Bob Dylan chuan a catalogue master recording zawng zawng chu Sony Music hnenah a hralh.

Sony leh Dylan-te hian nikum July thla khan hemi atan hian inremna an lo siam tawh a, a classic 1960s albums- 'Blonde On Blonde' aṭanga a album thar ber 2020-a a tihchhuah 'Rough And Rowdy Ways' thleng khan a hralh vek a ni.

Billboard magazine chuan Bob Dylan-a master recording hi $maktaduai 200 man tal chu a nih thu tarlangin hemi aia to hian Sony Music hian an leisak niin an tarlang bawk.

Dylan hian December 2020 khan a songwriting catalog zawng zawng chu Universal Music Publishing group hnenah a lo hralh tawh a, $mtd 250 aṭanga $mtd 350 inkar velin a hralh a ni.