A thih hnuah Mac Miller hla a hit zual

Zaithiam dangte ang bawkin American rapper Mac Miller chu a thih hnuah a hla a hit thar leh a, internet lamah an zawng nasa hle.

Nielsen Music-in a tarlan dan chuan Mac Miller hla - audio leh video te chu a hma aiin 970% zetin an stream nasa zawk a ni. September 6 khan mi maktaduai 3.4 velin internet lamah an zawng a, a thihni Sep­tember 7 kha chuan mi maktaduai 32.5 chuang zetin an stream thung a ni.

Kum 26 mi hip-hop star Miller hi kar kalta Zirtawpni khan a thi a, drug overdose nia tarlan a ni. Kumin May thla khan dan kalha lirthei a khalh avangin man a ni a, nimin kha a chungthu ngaihtuah ni tur a ni. Mahse a thubuai hi Los Angeles City Attorney Office chuan tihtawp sak a nih thu an puang a ni.