US-ah man chawia music ngaithla an tam

Internet khawvela kan chen tawh miau avangin thil eng kim a awl sam a, sum sen­na tur pawh a awm ve zel bawk. US-ah ringawt khuan man chawia music ngaithla leh en ṭhin mi maktaduai 51 chuang an awm a, kum 2016 aiin a let hnih dawnin an tam!

MusicWatch-in a tarlan dan chuan music streaming service zingah - Spotify leh Apple Music te chuan subscriber an ngah fal a, paid streaming service dangte an hliah hneh hle. Spotify chu subscriber ngah ber niin, Apple Music ringawt pawh hian tunhnaiah subscriber maktaduai 10 vel an neih belh a ni. Spotify leh Apple ringawt hian 65% zet an hlawh phak a, a ṭhangchak ber an ni bawk.

Apple Music hian khawvel pumah subscriber mtd 50 vel an nei tawh a, Swedish enter­tainment company Spotify hian customer maktaduai 80 zet an nei tling tawh thung.