Justin Bieber a phur mah mah!

Justin Bieber leh a bialnu Hailey Baldwin te chu Ningani khan New York City-a Marriage License Courthouse-ah an kal dun a, inneih phalna an dil a ni awm e. Canadian singer hi a phur hle a, Marriage License an neih hnu hian a mittui a tla hial niin an sawi.

Khawthlang media te chuan Marriage License hi pekchhuah aṭanga darkar 24 hnuah a nung a, ni 60 chhung a dam niin an sawi. An tarlan hi a dik a nih chuan Justin Bieber leh Hailey Baldwin September 14 leh November 13 inkarah an inneih a ngai dawn tihna a ni. Justin hi a phur tawh hle a, Marriage License an neih hnu hian Hailey hma-ah a mittui a tla hial niin an tarlang.

Canadian pop star Justin Bieber leh American model Hailey Baldwin hi July thla khan an inhual a, an ṭhian hnaite bulah chuan inneih chungchang pawh an sawi ri zauh zauh tawh a ni. Tunah chuan inneih an hnaih leh zual tawh niin a lang a, an chanchin hi media te pawhin an ngaihven zual hle a ni.