Paul McCartney a chungnung

English singer Paul McCartney chuan a album thar 'Egypt Station' hmangin Billboard 200 Chart-ah No.1 a hauh.

Paul McCartney hian kum 36 hnua Billboard 200 chart-a dinhmun sang ber a luah leh ṭum khatna a ni a, record ṭha tak a siam a ni. The Beatles vocalist leh bassist hlui hian kum 1982 daih tawh khan chart-ah hian No.1 a lo hauh tawh a, ṭhangkhat lian hnuah a dinhmun ngai a luah leh ta a ni.

'Egypt Station' album hi September 7 khan tlangzarh niin, hralh a kal hle. UK bakah US leh khawel hmun dang pawh a deng chhuak hneh hle a, a hit hle a ni. UK-ah bik hian American rapper Eminem a tluk lo a, No.2 a hauh. Eminem hian a album thar 'Kamikaze' hmangin dinhmun sang ber a luah mek a, record pawh a siam nual tawh a ni.