Nick Jonas-a'n kum 26 a tling Priyanka nen an inthlauhna kum 10!

American singer Nick Jonas chuan nimin khan kum 26 a tling a, a kawppui Priyanka Chopra nen an kum inthlauhna chu kum 10 zet a ni.

Jonas Brother star Nick leh Indian actress Priyanka Chopra te hian milar inkawp zinga sawi hlawh ber pawl an ni a, an chanchin hian ngaihven pawh a hlawh hle a ni. Kartawp khan Nick Jonas piancham hi an lawm a, an ṭhian leh chhung hnaiten an telpui a ni. Chung zingah chuan Joe Jonas pawh a tel a ni.

Priyanka leh Nick te hi July thla khan an inhual a, tun hnai khan Mumbai-ah inhualna hun hi urhsun takin an hmang leh bawk. An nu leh pate bakah, chhungkhat ten an telpui a, innei mai tur anga sawi an ni.

'Quantico' star Priyanka Chopra hian July 18 khan kum 36 a tling a, Nick Jonas hian nimin khan kum 26 a tling ve chiah thung. An kum inthlau deuh mah se an inkawp fuh viau niin a lang a, an chhungte pawhin an pawmpui bawk.