Eminem-a'n UK chart-ah record a break

American rapper Eminem chuan album a tlangzarh hnu lawkah U.K Album Chart-ah record a break a, No.1 hauh zing ber a ni.

UK chart-ah hian ABBA leh Led Zeppelin te chuan ṭum riat zet No.1 an lo hauh tawh a, kum 36 chhung zet chu khum thei an awm lo. American rapper ropui Eminem-a'n album a tihchhuah leh tak hnuah erawh thil a danglam ta a, record rei tak lo awm tawh chu a rawn thai chhe ta a ni.

Eminem hian tun hnai khan 'Kamikaze' album a tlangzarh a, UK-ah chuan album hralh kal ber a ni mek. English rock band Led Zeppelin leh Swedish pop group ABBA te record a khum pawh hi a mak lo. Khawvel hmun hrang hrangah a album hralh a kal a, chart-ah pawh dinhmun sang a luah mek zel a ni. U.K. Album Chart-a bakah hian Billboard Artist 100 chart-ah pawh No.1 a hauh bawk.