Linkin Park 'In The End' YouTube-ah tld-in thlir tawh

Linkin Park music video 'In the End' chuan YouTube-ah thlirtu tluklehdingawn a nei tling tawh a, rock music video huang chhunga mel lung pawimawh phuntu tlemte zingah Linkin Park hi an inhlangkai ve leh ta.

Kum 2018 kum chawhnu lamah khan an music video 'Numb' chu tld chuangin an lo thlir tawh bawk a, 'In the End' hi number digit kua aia tam thlirtu an neih pahnihna a ni ve ta a ni. 'In the End' hi an album hit Hybrid Theory-a mi kha niin 'One Step Closer' tlangzarh a nih hnu. Ocotober 2000 khan an tlangzarh a, a hit rem rem hle a, khawvela hla lar ber zinga mi a ni tih loh rual a ni lo.

Setlist.fm-in an tarlan dan chuan 'In the End' hi LP hian an concert-a an hla play tam ber zinga mi niin vawi 747 an peform a, 'One Step Closer' aiin vawi liin an perform tam a ni.