Mark Wahlberg a thawkrim

Kum 47 mi American actor Mark Wahlberg chuan thawhrim chu hlawhtlinna a ni tih a hai lo a, tuktin zing dar 4:00 hmain a taksa a sawizawi ṭhin thu a sawi.

Mark Wahlberg chuan, "Tuktin zing dar 3:40 vel aṭangin taksa ka sawi zawi ziah ṭhin a, chu chuan nasa takin min pui a ni," tiin, a kum tam ve deuh tawh mah se a eizawnna lamah harsatna a tawh loh thu a sawi. 'Transformers' star chuan film chan chu thil namai lo tak a nih thu sawiin, "Rilru leh ngaihtuahna bak­ah, taksa ngei chet chhuah a ngaih avangin in­thlah­dah theih a ni lo," a ti.

Mark Wahlberg hi a mu ṭha hle thung a, nitin darkar sarih chhung zet chu mut hahdam nan a hmang a ni. A channa thar ber crime/thriller film 'Mile 22' chu August thla khan tlangzarh a ni a, he film-ah hian American professional wrestler, Ronda Rousey nen an chang dun a ni.