Taylor Swift concert chhimtu an ṭhahnem

Taylor Swift chuan Inrinni zan khan Lucas Oil Stadium, Indiana­polis-ah concert a nei a, mi 67,000 zetin an chhim. Hei hi Lucas Oil Stadium-a mipui an pungkhawm hnem ber ṭum niin an sawi hial.

'Delicate' singer Taylor Swift hian May thla aṭang khan a album 'Reputation' pualin tour a nei a, hmun hrang hrangah concert neiin a kal kual a ni. Tunah hian North America lamah hun a hmang mek a, US-ah bik chuan show ṭum nga chiah a hmabak tawh.

October thla aṭang hian Aus­tralia, New Zealand leh Japan te a hrut leh dawn a, November-ah Tokyo-ah a hmawr a bawk dawn a ni. Swift hi a kalna apiangah fans tam takin an ṭawiawm thei zel a, a concert chhim tum hian ticket lei an inchuh nasa hle a ni.