Sanga Renthlei hla thar a hnai

Nikum khan Hlimhlimi nen hla an tichhuak a, Zonet Ṭhazual Chart-ah No.1 hial an rawn ni a, a reh zui leh vang vang hnuah Sanga Renthlei chuan hla thar a tichhuak leh dawn ta.

A hla thar tihchhuah tur hi 'Lal Isua duhawm ber' tih a ni dawn a, Huttie C. Smith phuah niin, Chiangtea Videography chuan music video a buatsaih sak a, tihchhuah mai theihin an peihfel tawh a ni. Music video hi short film ang deuhin a kal dawn a, en a manhla hle dawn niin a lang.

Lal K. Sailo chuan music a buaipui sak a, Foster Recording-ah recording a ti thung. Sanga Renthlei hla thar tur hi nun beidawng, harsatna avanga rum mekte tan Isua chu ṭhian ṭha, anmahni pui chaka inpeih reng a nihzia tarlanna a ni. Sanga hian 'Lal Isua duhawm ber' bakah hian hla thar tichhuak turin hmachhawp a la nei nual bawk.