Billboard Women in Music Awards-a chawimawi turte chu...

Billboard 2022 Women in Music Awards sem turah Doja Cat, Phoebe Bridgers leh Saweetie-te chu chawimawi an ni dawn.

March 2-a sem tur Billboard 2022 Women in Music Awards hi R&B superstar Ciara chuan a host dawn a, YouTube Theater, Los Angeles-ah award sem inkhawm hi an buatsaih dawn a ni. He hmunah hian a vawi khatna atan he award hi sem a ni dawn nghe nghe.

Kum 26 mi Rappers Doja leh kum 28 Saweetie-te chuan Powerhouse and Game Changer Awards an dawng dawn a, kum 27 mi folk-pop star Phoebe chuan Trailblazer Award a dawng dawn thung.

Kumin Billboard Women in Music Awards-ah hian kum 72 mi Blues music legend Bonnie Raitt chu Icon Award hlan a ni dawn a, Latin star Karol G chu Rule Breaker Award dawng tur niin aR&B- pop star Summer Walker chu Chart breaker Award dawngtu tur a ni bawk. Kum 21 mi Gabby Barrett chuan Rising Star Award a dawng ve dawn bawk a ni.

Award dawng tur zawng zawngte hi award sem hunah hian an perfrom vek dawn bawk a ni.