Guild of Music Supervisors Awards-a Icon Award dawng tur Diane Warren

Songwriter Diane Warren chuan 12th annual Guild of Music Super-visors Awards March 20-a sem turah Icon Award a dawng dawn.

Disney live action motion picture division-a music and soundtracks president ṭhin Mitchell Leib chu Legacy Award dawngtu tur a ni bawk.

Guild of Music Supervisors Awards-ah hian music leh film industry-a thawh hlawk takte hnenah Icon Award hi hlan a ni ṭhin a, Quincy Jones, Burt Bacharach, Kenny Loggins, leh Marc Shaiman-te pawhin an lo dawng tawh a ni.

Diane Warren chuan Icon Award a dawng tur chu thuchhuah a siamah a lawm hle tih a sawi a, chutiang chawimawina chu a la phu lo hle nia a hriat thu sawiin chawimawina a nih thu a sawi a ni.

1996 film 'Up Close and Personal'-a hla lar tak, Celine Dion-i'n mawi taka a sak 'Because You Loved Me' a phuah avang khan Warren hian Grammy award hial a dawng tawh a, kum 2016 khan 'The Hunting Ground' film soundtrack 'Til It Happens to You' a phuah avangin Emmy awards a dawng tawh bawk. Oscar-ah vawi 13 lai nominee ani tawh a, kuminah pawh hian nominee zingah a tel leh a ni.