Cinema-a an film thar a chhuah ngei duh George Clooney leh Brad Pitt

Lemchan khawvela mi hmingthang pahnih George Clooney leh Brad Pitt-te chuan an film thar tur cinema-a chhuah a nih ngei theihna turin an hlawh tihtlem an remti.

Project eng emaw zata lo thawkdun tawh Hollywood superstar pahnih hi thriller film-ah an chang dun dawn a, chu film chu theatre-a chhuah a nih ngei theihna turin hlawh tihtlem an remti tih Deadline-in an kawmnaah Clooney chuan a sawi.

‘Ocean’s Eleven’ leh ‘Burn After Reading’-ahte pawh lo inlan duh tawh George Clooney leh Brad Pitt-te hi 'Spider-Man: No Way Home' director Jon Watts-a thriller film siam tur, a film hming la puanzar lohah an chang dawn a, he film siamna rights hi Apple Original Movies kutah a awm tawh a ni.