Television industry-a award ngaihhlut Emmy Award sem a ni ta
Film industry-ah Oscar Award an ngaihlu a, music-ah Grammy Award an dahsang hle bawk. He tiang bawk hian television industry-ah chuan Emmy Award aia ropui a awm chuang lo a, chu award ngaih ropui tak mai chu nimin zing khan sem a ni ta.
Award ceremony-ah hian tel an ṭhahnem hle a, milar rual an fuankhawm a ni ber. HBO Drama series 'Game of Thrones' bawk a langsar leh a, award pawh a dawng nual a ni. GOT hi nikum khan award dawng hnem ber niin, 12 zet a la a ni.
Award winner te chu
Game of Thrones chu Best Drama atan thlan a ni a, The Marvelous Mrs. Maisel chuan Best Comedy award a la thung. American comedy series The Marvelous Mrs. Maisel star Rachel Brosnahan chuan comedy huangah Best Actress a la a ni. American actress Rachel Brosnahan hian lawm a hlawh hle a, dawhsana thu a sawi lai pawhin mipui thawm a ring hle.
Comedy huangah hian American comedy series lar Barry star Bill Hader chuan Best Actor a la ve bawk. Best Actress (Drama) chu The Crown star Claire Foy kutah hlan a ni a, The Americans star Matthew Rhys chuan Best Actor award a la ve bawk.
Variety Sketch Series ṭha ber atan Saturday Night Live chu thlan a ni a, award ngaihlut tak a la thei. Variety Talk Series huangah Last Week Tonight With John Oliver chuan chawimawina a dawng ve thung a ni.
Emmy Award vawi 70-na hi Microsoft Theater, Los Angeles, California-ah sem a ni a, Colin Jost leh Michael Che te chuan an host a ni.
Emmy Award Winner Ṭhenkhat :
Best Comedy : The Marvelous Mrs. Maisel (Amazon)
Best Drama : Game of Thrones (HBO)
Best Actor, Comedy : Bill Hader, Barry
Best Actress, Drama : Claire Foy, The Crown
Best Actor, Drama : Matthew Rhys, The Americans
Variety Sketch Series : Saturday Night Live (NBC)
Variety Talk Series : Last Week Tonight With John Oliver (HBO)
RuPaul honoured with star on the Hollywood Walk Of Fame
Reality Competition Program : RuPaul’s Drag Race (VH1)
Television Movie : Black Mirror: USS Callister (Netflix)
Reality Host : RuPaul, RuPaul’s Drag Race
Structured Reality Program : Queer Eye (Netflix)
Documentary or Nonfiction Series: Wild Wild Country (Netflix)
Animated Program : Rick And Morty (Adult Swim)