Music festival-ah vanduaina thleng a tam

Tun hnaia music festival hrang hrangah vanduaina a thleng nasa hle a, nunna chan pawh mi eng emaw zat an awm.

September 14-16 chhung khan Thornville, Ohio-ah Lost Lands Music Festival neih a ni a, mi pahnihin nunna an chan. Heng mi pahnih te hi hospital panpui annih hnua thi an ni a, an thih chhan hi tarlan a ni lo.

Hetih lai hian Vietnam-a Moon Music Festival-ah pawh chhiatna a thleng a, mi pasarih lai an thi. Heng mite hi chetsual leh accident vanga thi an ni lo thung a, drug overdose vang nia tarlan a ni.

Vietnam-ah hian drug addict an tam hle a, sorkar chhinchhiah dan chuan mi 220,000 chuang zet an tling. Kum khatah mi 1,600 tel thi ziah ang an ni bawk a, Methamphetamine leh heroin ngawlvei an tam hle a ni.