Lady Gaga channa 'A Star Is Born' thawm a ring

Khawvel huapa zaithiam lar leh hlawlting ber zinga mi Lady Gaga channa a nih miau avangin October 4-a tlangzarh tur 'A Star Is Born' film chuan ngaihven a hlawh hle. He drama/romance film hi Tokyo International Film Festival (TIFF)-ah chhuah a ni dawn bawk.

Tokyo International Film Festival hi October thla khian neih a ni dawn a, organizing committee chuan 'A Star Is Born' chhuah anih tur thu hi an puang tawh a ni.

American actor Bradley Cooper leh 'Bad Romance' singer te chan dunna hi Venice Film Festival leh Toronto Film Festival-ah premiere a lo ni tawh bawk a, Ocober 4 hian Germany-ah tlangzarh a ni ang.