Glastonbury-a inlan tur Harry Styles?

English singer Harry Styles chu a vawi khatna atan Glastonbury Festival-ah a inlan dawn niin an sawi.

One Direction star ṭhin Harry Styles hi khawvela rimawi kût lar ber pawl Glastonbury Festival-ah hian a la inlan ngai loa, kumiah erawh Pyramid Stage-ah a duhtawkin a che vel dawn a nih hmel.

Daily Star Sunday chanchinbu chuan hemi chungchang hi tarlangin Glasto 2020-ah pawh khan Harry hming hi sawilanin a awm tawh a, mahse festival buatsaihtute chuan a la hma deuh mah mah nia hriain inlan tur zingah an telh leh lo niin an sawi.

Kumin hian June 22-26 hian Glastonbury Festival hi neih a ni dawn a, kum 27 mi singer pawh hi inlan ngei dawn niin a lang a, hetihrual hian organiser lam chuan official-in thuchhuah an la siam lo niin a lang. Billie Eilish, Crowded House, Aerosmith leh Diana Ross (Legends slot)-te erawh inlan turin an tichiang tawh thung a ni.